વીજળીના દરેક ચમકારે મને એ સ્પર્શ યાદ આવે

વરસતી વાદળી જોઈ વિતાવેલ સમય યાદ આવે ,

સુખમાં કે દુ:ખમાં મને તો બસ એ જ યાદ આવે .

પ્રિય છે બધી ઋતુઓમાં વર્ષાઋતુ થોડીક વધારે ,

કારણ લાગણીમાં ભીંજાયા એ વાત યાદ આવે .

આકાશમાં કાળી વાદળીઓની વણઝાર જોઈને ,

એના ઝુલ્ફોમાં વિતાવેલી આખી રાત યાદ આવે .

સમીપ આવી વળગી પડી એક ઘટના ઘટ્યા બાદ ,

વીજળીના દરેક ચમકારે મને એ સ્પર્શ યાદ આવે .

ધોધમાર વરસાદ વરસવાનુ કારણ સમજાયુ દ્રુપ ,

ધરતીનો ઉકળાટ ઠારવા આભને ફરજ યાદ આવે .

-દ્રુપ